fjárlög 2024.
Herra forseti. Það vekur furðu hversu tilþrifalítið og huglaust þetta fjárlagafrumvarp er og er verkefnið svolítið sett á herðar Seðlabankans. Í 8% verðbólgu með stýrivexti sem eru 9,25% er það látið gerast að 5.000 heimilum er kastað út úr vaxtabótakerfinu og húsnæðisbætur og barnabætur verða fyrir raunlækkun. Samfylkingin styður einstaka hluti sem góðir eru í þessu fjárlagafrumvarpi en við hefðum lagt fram allt öðruvísi fjárlagafrumvarp sjálf og munum ekki greiða því okkar atkvæði.